ПСЖ планира да донесе играчи ова лето со кои следната натпреварувачка сезона ќе тргне во нов лов на европската титула.

Холандскиот капитен Џорџино Вајналдум, италијанскиот голман Џанлуиџи Донарума, шпанскиот ветеран Серхио Рамос и поранешниот играч на Интер, Ашраф Хакими, веќе пристигнаа во парискиот клуб.

Надоместок е платен само за Хакими и изнесуваше 60 милиони евра, а сега се подготвува друга зделка која не вклучува паричен надоместок.

„Дејли Мејл“ објави дека Јувентус и ПСЖ договараат спектакуларна размена на играчи. Мауро Икарди треба да дојде во Торино, а Кристијано Роналдо би тргнал во спротивната насока.

Иднината на Роналдо во Јувентус е неизвесна по враќањето на Масимилијано Алегри, тренер кој беше против пристигнувањето на Роналдо во Торино од самиот почеток, а сега се чини дека италијанскиот великан најде модел по кој може да се реши.

Англичаните пишуваат дека Роналдо не е против оваа идеја, бидејќи тој верува дека со ПСЖ има повеќе шанси да ја освои Лигата на шампионите отколку со Јувентус.

Роналдо со три зборови ја разреши дилемата дали останува во Јувентус