Јунајтед и Интер подготвуваат голема размена
Англискиот тим е подготвен да го прати проблематичниот Погба во Интер но само под еден услов.
„Дејли Мирор“ пишува дека Манчестер јунајтед е подготвен да го прати Пол Погба во Интер доколку италијанскиот тим во спротивен правец го испрати одличниот напаѓач, Лаутаро Мартинез.
Според весникот, Погба кој не сака да остане во Јунајтед, нема ништо против повторно да соработува со Антонио Конте кој му беше тренер во Јувентус, а исто така нема ништо против да потпише за најлутиот ривал на поранешниот тим.
Пол Погба изминатото лето постојано беше поврзуван со трансфер во Реал Мадрид или враќање во Јувентус, но на крајот не испадна ништо од тоа и францускиот репрезентативец остана на „Олд трафорд“ каде не се наигра во првиот дел од сезоната.
Сега „Дејли Мирор“ тврди дека Јунајтед го понудил Погба на Интер но бара во трансферот да биде вклучен Лаутаро Мартинез, кој е на радарот и на Барселона.
Младиот 22-годишен Аргентинец сезонава на 16 натпревари постигна осум голови и заедно со Ромелу Лукаку е најзаслужен што Интер е лидер во Серија А.