Јанушев: Короната од Скопје Заев и СДСМ вчера ја испратија да прошета низ цела Македонија (ВИДЕО)
Додека на светско ниво бројот на заболени опаѓа во државата расте со брзина на светлината и достигнува рекорден број на заболени, рече Јанушев.
Денешната бројка од 80 новозаразени од коронавирусот уште еднаш докажа дека СДСМ и Филипче се целосно изгубени во справувањето со пандемијата, рече генералниот секретар на ВМРО-ДПМНЕ Игор Јанушев во обраќање на фејсбук.
-Додека на светско ниво бројот на заболени опаѓа во државата расте со брзина на светлината и достигнува рекорден број на заболени. Короната од Скопје Заев и СДСМ вчера ја испратија да прошета низ цела Македонија. Институциите единствено што прават е што бројат ново заболени. Јавно ги прашуваме Заев и Филипче до кога вака? Каде е сега аплаузот? И денеска ли ќе ја убедувате македонската јавност дека се е под контрола. Уште колку треба да чекаме да признаете дека згрешивте и тоа многу- вели во обраќањето Јанушев.
Колку луѓе ќе носите на душа, ги прашува Јанушев, поради вашата неорганизираност, непрофесионалнсот и неспособност. За да биде иронијата уште поголема за 10 дена од денес сакате да влеземе во предизоборна кампања.
-Има ли крај оваа голгота во која не втурнавте. СДСМ ќе одговара за својата неспособност, целиот криминал и сиромаштијата која му ја приредија на овој народ- рече Јанушев.