Кошаркарската репрезентација на Македонија ја забележа втората победа во претквалификациите за Европското првенство 2029, совладувајќи ја Ирска со 88-76 на гостински терен во Даблин.

Иако Ирците започнаа силно со водство од 8-0, Македонија се врати во мечот, а на полувремето водеше со 42-40. Последните два квартала беа игра на нерви, а исходот се реши во финишот кога македонската серија од тројка и неколку прецизни удари донесе предност 86-74.

Најдобри кај Македонија беа Андреј Јакимовски со 26 поени, Џејкоб Вајли со 20 поени и девет скока, Мекиќ со 12, а Стојановски со 11. Кај Ирска, Самуел Алаџики беше најефикасен со 26 поени.

Следен противник на Македонија е Луксембург во февруари на домашен терен, кој ќе одлучи за првото место во групата.

Преземено од: Sport.com.mk