Ботоксот често знае да биде болен и скап метод за ублажување на брчките и опуштената кожа на лицето, но за среќа, на социјалните мрежи се појави нов тренд кој за миг ви дава изглед на затегната кожа.

Се работи за фризурата подигната пунџа, која често ја носат познатите дами како што се Селин Дион, Рита Ора и Џенифер Лопез и која им помага да изгледаат помлади.

Тајната е следна – колку што пунџата е повисока и косата позатегната, толку ефектот е подобар.

Иако пунџите се носат повеќе поради модата отколку поради ефектот на затегнување на лицето, зад тоа стои и логично објаснување на фризерите.

„Кога ќе ја затегнете косата и ќе ја врзете во пунџа и кожата на лицето ја повлекувате заедно со косата, а тоа навистина прави кожата на лицето да ви изгледа позатегната“, рекла фризерката Џен Еткин.