Првата самостојна изложба на фотографии на архитектот и архитектонски фотограф Андријана Тилиќ е со наслов „Архиметрии“ и ќе биде отворена на 25 ноември во галеријата на Младинскиот културен центар (МКЦ). Изложбата има уметничко-истражувачки карактер и ја афирмира естетиката на архитектонската фотографија.

Проектот има за цел да го истражи архитектонскиот јазик на модерната, но и на современата архитектура, воопшто, да ја предочи заемната длабока врска на фотографијата како медиум и архитектурата, да ги истакне посебноста и значењето на архитектонската фотографија, како релевантен визуелен медиум, како и промовирање и документирање на архитектонското домашно и странско наследство.

(Текстот е објавен во „Културен печат“ број 57, во печатеното издание на „Слободен печат“ на 21-22 ноември 2020)