КУЛТУРЕН ПЕЧАТ број 209, во печатеното издание на весникот „Слободен печат“ (16-17.12.2023), во својот стандарден формат на осум страници меѓу содржините од областа на уметноста и културните настани има:

– интервју со Јасмина Шопова од фондацијата „Ацо Шопов – Поезија“: Небиднината на Шопов сите ја чувствуваме

– разговор со театарската режисерка Сибел Абдиу: Физичкиот театар како форма најмногу ми „лежи“

– независната театарска продукција „Пресврт“ премиерно ја изведе претставата „Младоста последна умира“ во новиот културен простор „Лабораториум“

– концептуалната изложба „Фауната во колекцијата на Националната галерија“ е поставена во „Мала станица“

– во КИЦ – Скопје е поставена 6. Меѓународна „Екс либрис изложба Скопје 2023“ на која се претставени стотина графички дела од разни делови од светот

– стрип-издавачот „Бункер“ го објави графичкиот роман „Везење“ од француско-иранската авторка Марџан Сатрапи

– промовиран е новиот роман со наслов „Живот без сведоци“ на познатата авторка и поетеса Наташа Сарџоска

– новата „Галерија Матица“ е отворена со изложба на пејзажи од Павле Кузмановски изработени во техниката акварел

– изложбата „Лендскејп експириенс“ (Landscape Experience) на Роберт Јанкулоски и Моника Мотеска е поставена во НУ Завод и Музеј Битола

– објавена е двотомната збирка со интервјуа со тематски наслов „Словенија и Македонија: калеидоскоп на пријателство и дипломатија“ на новинарот Свето Стаменов

– во Градската библиотека „Браќа Миладиновци“ во Скопје на 12 декември беше промовирана стихозбирката „Патот на водата“ од Гордана Каракашевска

– од печат излезе романот „Ти си поезија“ од францускиот театролог Патрис Павис во издание на „Перун Артис“ и во превод од француски јазик на Катица Гароска Ацевска.