Италија се соочува со можен проблем: Недостасуваат дози на анти-ковид вакцини, „Фајзер“ ги намалил испораките
„Фајзер“, производител на единствената вакцина што се користи во Италија, го намали обемот на испорачани колични во една од најпогодените држави со коронавирусот во Европа. Весникот „Ил Месаџеро” објави дека производителот „Фајзер” самостојно и самоиницијативно одлучува за кои италијански региони ќе се намали бројот на испорачани дози на анти-ковид вакцината.
Весникот пишува дека поради тоа е доведена во прашање втората задолжителна вакцинација на оние кои веќе ја примиле првата доза, а доколку не бидат навреме вакцинирани по вторпат, првиот дел од вакцинацијата ќе биде изгубен.
Весникот, исто така, открива дека во таков случај, државите кои имаат потпишано договори за набавка на вакцината на „Фајзер“ не можат да влијаат врз динамиката на испорака, бидејќи тоа не е предвидено во договорот.