Претседателот на САД, Џо Бајден во телефонски разговор со рускиот колега Владимир Путин предложил да одржат состанок во трета држава, соопштија од Белата куќа.

-Претседателот Бајден ја потврди својата цел: Изградба на стабилни и предвидливи односи со Русија кои се соодветни со интересите на САД и предложи одржување на состанок-самит во трета држава во наредните месец дена заради разговор за цел спектар на прашања со кои се соочуваат САД и Русија, се наведува во соопштението.

Два американски воени бродови треба да пристигнат на Црното Море оваа недела, што претставува знак на поддршката што администрацијата на претседателот Бајден и ја дава на Украина. Се повеќе се стравува дека рускиот претседател Владимир Путин размислува за напад врз соседот Украина. Москва започна со распоредување на руски воени сили, тенкови и ракети долж границата со Украина.

ВИДЕО | Андоновиќ: На раб на конфликт – Русите распоредија воени сили, САД испратија два воени брода

Извор: Блиц.рс