Кандидатот за пратеник на грчката конзервативна партија, Нова Демократија, Спилиос Крикетос синоќа е исклучен од партијата поради расистичка изјава за мигрантите од потонатиот брод во Јонско Море.

Крикетос изразувајќи жалење поради смртта на најмалку 78 луѓе во бродската несреќа, истакна дека Грција „не може повеќе да ги толерира мигрантите“, обвинувајќи ги дека поголемиот број од нив се крадци.

Неговата изјава предизвика незадоволство кај опозициската левичарска партија Сириза и побара од Нова демократија да го исклучи Крикетос.

Конзервативната влада на Кирјакос Мицотакис, која беше на власт четири години (2019-2023), водеше строга миграциска политика, нагласувајќи ја безбедноста на земјата и ги затвораше границите за мигрантите.

Медиумите и невладините организации постојано ја обвинуваат Грција дека илегално ги враќа мигрантите во Егејско Море, туркајќи ги назад кон Турција.