Исени за прво место на Шкупи во Првата лига
Во својот 10 натпревар оваа сезона во најсилниот шампионат тимот од Чаир ја забележа и седмата победа.
На домашен терен со минимален резултат 1:0 успеа да го совлада Силекс. Стрелец на единствениот гол беше Бесар Исени во 53 минута од средбата.
Со овие три бода играчите предводени од тренерот Умит Каран се искачија моментно на првото место со 22 бода, еден повеќе од Шкендија.
Во наредните мечеви Шкупи на 1 ноември ќе игра на гостински терен против Работнички, а истиот ден Силекс е домаќин на Македонија ЃП.
10 рунда ќе биде комплетирана со одигрувањето на останатите пет средби в недела, 25 октомври (14.30 часот): Беласица-Борец, Македонија ЃП-Академија Пандев, Пелистер-Струга Трим Лум, Шкендија-Работнички и Вардар-Ренова.