Инфлацијата се намалува – мерките даваат резултат, вели заменик-министерот Николовски
„Среде криза, Владата успеа да ги покачи минималната плата и пензиите“, рече заменик-министерот за финансии Филип Николоски, во гостувањето во „Детектор“.
-Се воспостави систем за долгорочно зголемување на минималната плата. Таа ќе се зголеми за над 12 проценти од март и ќе изнесува над 20 илјади денари. Во меѓувреме регистириравме и просечна плата повисока од 33 илјади денари. Постои и методологија со која ќе растат и пензиите, рече Николоски.
Тој додаде дека Владата успеала и во намерата за намалување на цените на основните прехранбени продукти.
„Знаеме и не смееме да бидеме нереални дека некои цени на прехранбените прозиводи се зголемија над 40 проценти. Меѓутоа се направија анализи и се видоа условите на прехранбените капацитети. Со нив беше договорено да се намалат цените на електричната енергија, па затоа веќе овој месец може да се види по маркетите дека голем дел од цените на прехранбените производи се намалуваат. Кај некои намалувањето е за над 10 проценти. Млекото од 90 денари колку што чинеше во пикот, сега е околу 71 денар. Намалувањето се чувствува, пикот на инфлацијата беше во месец октомври и оттогаш имаме намалување“, вели Николоски.