И тоа се случува: Нејмар доби жолт картон поради дриблинг! (ВИДЕО)
Бразилската ѕвезда на париските „светци“ не доби одговор од главниот судија зошто беше опоменат на мечот против тимот на Монпеље.
ПСЖ изминатиот викенд пред своите верни навивачи во најсилното француско фудбалско првенство убедливо славеше против Монпеље со резултат 5:0 во рамките од 22. коло.
Парискиот клуб ја оправда фаворитската улога и така ја продолжи доминацијата оваа сезона, но овој натпревар го одбележа главниот судија Брисар кој во 38. минута му даде жолт картон на Нејмар, а причината е многу интересна.
На бразилскиот играч не му беше јасно зошто беше опоменат, се обиде тоа да го дознае од главниот судијата, но не доби одговор.
This happened yesterday in the PSG tunnel after the referee booked Neymar for showboating.
Neymar: "I play football and this man gives me a yellow card."
Referee: "Speak french. Speak french."
Neymar: "Speak french my ass." ???? pic.twitter.com/DOnIuGR1yQ
— FutbolBible (@FutbolBible) February 2, 2020
Француските медиуми во утринските часови објавија дека главниот судија во извештајот наведе зошто му даде жолт картон на Нејмар.
Тој напиша дека тоа го направи поради дриблинг, од фактот што Бразилецот немаше почит спрема противникот, односно се обиде да ја префрли топката над дефанзивецот.
Neymar Jr to the referee – “I am playing football” ???????? pic.twitter.com/l5AdmVCgp1
— Seleção Brasil ?? (@Brazil_TeamNews) February 2, 2020
Ова ја шокираше француската јавност и многумина коментираат дека судијата нема право да додели некому картон поради дриблинг кој фудбалот го прави таков каков што е.
Нејмар крајно лут поради одлуката, не можеше да се помири. На патот кон соблекувалните врескаше на португалски јазик до судиите: „Јас само играм фудбал, а тој ми дава жолт картон?“.
Еден од судиите му одговори „Зборувај француски. Зборувај француски!“ А Нејмар: „Француски, како да не!“.
