И Летонките пресилни за македонските кошаркарки
Нов висок пораз на најдобрата женска македонска репрезентација во квалификациите за пласман на Европското првенство, откако денеска на домашен терен со 37:96 (4:25, 7:21, 19:27, 9:25) загуби од Летонија.
Откако на стартот со 105:40 загубивме во Нордлинген од Германија, бевме и денеска целосно надиграни. Во три четвртини не успеавме да постигнеме 10 или повеќе поени, само во една ја надминавме таа граница каде што водевме рамноравна борба (19:27).
За сениорките следи официјална пауза од една година, наредниот трет натпревар од квалификациите нашите најдобри кошаркарки ќе го имаат на 12 ноември 2020 година, па три дена подоцна ќе ја пречекаат Германија.
Стрелци за Македонија на денешниот дуел против Летонија: Селцова (11), Кметовска (8), Трајчевска (5), Секуловска (5), Лазареска Со. (6), Стојановска (2), Петрушевска (2).
На табелата после две кола во квалификациската група „И“ води Хрватска со четири бодови, пред Германија и Летонија по три, последна е Македонија со два.