Косовскиот премиер Авдулах Хоти се огласи по оставката на претседателот на државата, Хашим Тачи и порача дека „Уставот и законите гарантираат јасна транзиција во спроведување на одговорностите без да се предизвика институционален вакуум“.

Хоти на својот Фејсбук налог напиша дека, по новонастанатата ситуација во државата, очекува од сите „да продолжат да демонстрираат висока политичка култура”.

– Во оваа фаза, Владата на Косово посветено ќе ги извршува уставните обврски и одговорности и ќе соработува со сите домашни и меѓународни фактори, напиша Хоти.

Косовскиот претседател Тачи поднесе оставка од функцијата, откако денеска беше потврдено обвиненето од Меѓународниот суд во Хаг поради сомневања за злосторства врз цивили од албанска и српска националност во војната во 1998-99 година. Тачи е еден од основачите и некогашен политички директор на Ослободителната војска на Косово.

Се очекува трансферот на Јакуп Красниќи во Хаг