Хитлер и сериски убиец на трибините во Австралија
Трибините на стадионите по рестартот на спортот во светот се празни за време на натпреварите, а екипите пронајдоа креативни начини како да ги пополнат.
Еден од најпопуларните начини е поставување на слики на навивачи од картони, тој проект го започнаа Германците и во Јужна Кореја, а се повеќе се прифаќа и во останатите делови од светот со што се зглемува можноста да се згреши.
Првиот кикс беше поставувањето на секс кукли на трибините на стадионот во Сеул, но во Австралија за време на рагби натпревар, организаторот направи далеку поголем скандал.
Помеѓу „гледачите“ на стадионот беше и озлогласениот британски сериски убиец, Харолд Шипман, кој го доби прекарот „Ангел на смртта“ поради убиството на 15 жени со смртоносна инјекција.
As if there’s a cardboard cutout of Harold Shipman in the stands at the Aussie Rugby League! ? #NRLPanthersKnights pic.twitter.com/GrAQW4q5I7
— Paul Davey (@heathenhouse) May 31, 2020
Австралиската рагби лига (НРЛ) ја покрена иницијативата „The Fan in the Stand“ со која навивачите за 22 долари можат да ја приложат својата фотографија и да одредат на кој натпревар таа ќе се појави на трибини, но ова беше злоупотребено од неименеименувано лице кои успеа да го „внесе“ Шимпан на трибините во Кемпбелтаун на натпреварот помеѓу Пантерс и Најтс.
Инцидентот можеше да помине и без голема бура во јавноста доколку не реагираше поранешниот рагбист, а сега коментатор и ТВ водител, Мети Џонс, кој во својата емисија на трибините во шега измонтира фотографија на Адолф Хитлер, со што предизвика бурни реакции во јавноста, посебно во еврејската заедница.
Fox Sports will almost certainly come under fire for this distasteful, edited cardboard cut out of Adolf Hitler in the stands at the Manly v Cantebury match at Central Coast Stadium this evening @NRL @SeaEagles @NRL_Bulldogs @FOXRugbyLive #unisanews2020 pic.twitter.com/DZljy47kTo
— shawdy (@willzfaulk) May 31, 2020
Поради својот потег, Џонс мораше да се извини.
– Делот во мојата емисија Фокс Лига во неделата во кој прикажавме слика на Хитлер помеѓу картонските навивачи беше невкусен и непристоен. Знам дека Фокс Спортс веќе се извини, а сега и јас сакам да се извинам. Погрешив и им се извинувам на гледачите и сите кои тој сегмент од емисијата ги навреди или повреди – изјави Џонс.
