Хаос во Брест: Белоруската полиција отвори оган кон демонстрантите (ВИДЕО)
Полицијата во Брест, во југозападна Белорусија, денеска отворила оган кон вооружени граѓани кои ги нападнале, соопшти белоруското Министерство за внатрешни работи.
Во соопштението се наведува дека по испуканите куршуми во воздух не запреле нападите, па полицајците за да се запштитат отвориле оган и повредиле еден напаѓач.
Белоруското МВР, исто така соопшти дека непознат напаѓач фрлил молотов коктел на полициско возило во подрачјето на Брест.
Street fighters in Brest, Belarus have clearly been training. Please find a fighting style that works for you, thay is enjoyable for you, that makes you feel powerful. pic.twitter.com/bWEyJ9xdB6
— Vitalist International (@VitalistInt) August 11, 2020
Во протестите кои избија по победата на претседателот Александар Лукашенко, која е оспорена од опозицијата, приведени се повеќе од 6000 луѓе, од кои 1000 во последните 24 часа.
Белоруската група за заштита на човековите права Вјазна соопшти дека голем број од демонстрантите кои се повредени се плашат да побараат лекарска помош. – Имаме информации дека властите побарале од медицинскиот персонал да ги пријават сите повреди во полиција. А лекарите на протестирачите гледаат не како на жртви, туку како непријатели на Белорусија, изјави адвокатот на Вјазна Павел Сапелко.