По се изгледа дека скенирањето на отпчатокот е бескорисен, кинеските хакери покажаа колку малку им треба за да го измамат вашиот мобилен телефон. Тие можат да го хакираат вашиот мобилен телефон за само 20 минути.

Кинеските хакери велат дека пронашле начин да ја заобиколат биометриската заштита на мобилниот телефон за нешто помалку од 20 минути, а сè што треба за да го измамат читачот за отпечатоци е фотографија со отпечатоци, специјална апликација и релативно ефтин хардвер.

Со помош на фотографија од отпечаток од прст ставена на стаклена површина, можно е да клонирате физички отпечаток од прсти, кој е толку прецизен што ќе го измами скенерот за отпечатоци на вашиот паметен телефон, пишува Tom’s Guide.

Новите „отпечатоци“ успешно измамиле веќе три паметни телефони

Тим експерти од компанијата „Тенсент“ го демонстрирале овој процес на конференција посветена на хакерството. Лидерот на тимот, Чен Ју ги повикал луѓето од публиката да ја допрат стаклената површина, по што нивните отисоци биле фотографирани. Специјална апликација која ја развиле хакери потоа ја обработува фотографијата и со помош на хардверот создава вистински физички модел на отпечатоци.

Сепак, методот не е детално објаснет, а се претпоставува дека се користени понапредни модели на 3Д печатачи. Ваквите нови „отпечатоци“ успешно измамиле три паметни телефони досега и два други уреди за кои е потребна идентификација на отпечатоци.

Значи, можеби е време да  размислите за тоа како ги заклучувате вашите мобилни телефони.