Македонскиот претставник Силекс на 18 или 19 август ќе ги одмери силите против азербејџанскиот состав на Карабах.

Веднаш после ждрепката за паровите во првото квалификациско коло на Лигата на шампионите, свој коментар имаше тренерот на Карабах, Гурбан Гурбанов.

– Немаме официјални натпревари од март, тешко е да се коментира на еден натпревар во ваков турнир. Колку што е можно повеќе, ќе собереме информации за противникот кој веќе ќе го има својот прв меч во националниот шампионат.

Мораме добро да се подготвиме за овој натпревари, нашиот меч е на домашен терен. Секако, играчите ќе бидат далеку од нивните добри перформанси. Мораме да бидеме многу внимателни на овој меч, доколку знаеме што сакаме можеме да дојдеме до добар резултат – вели Гурбанов.

Силекс денеска во првото коло од нашето првенство ќе ги одмери силите против Беласица (17.30 часот) на гостински терен.

ЛШ: Силекс ќе ги одмери силите против Карабах