„Само човечките автори имаат право на доделување на ‘Греми’“, објави во петокот Академијата за снимање на звукот, бидејќи телото што ги доделува најпрестижните светски музички награди настојува да ја ограничи употребата на вештачка интелигенција (АИ) во индустријата.

Работата исклучиво со вештачка интелигенција е забранета, но одредена музика создадена со помош на вештачка интелигенција може да се квалификува за одредени категории, стои во ажурираниот правилник на Aкадемијата.

„Дело што не содржи човечко авторство не е прифатливо во ниту една категорија.“

Креаторите на музика сега мора да придонесат најмалку 20 отсто од албумот за да заработат номинација. Во минатото, секој продуцент, текстописец, техничар или истакнат изведувач на албум можеше да заработи номинација за албум на годината, дури и ако личноста имаше мал придонес.

The Recording Academy announces a new rule regarding AI where only human creators are eligible for #GRAMMYs. pic.twitter.com/w2ChnT8uRd

— Pop Tingz (@ThePopTingz) June 16, 2023

Првото доделување на наградите „Греми“ беше одржано во 1959 година, како награда за музички автори.

Во ноември 2022 година, ОпенАИ го лансираше ЧетГПТ (ChatGPT), бесплатен чет-бот поддржан од „Мајкрософт Корп“, кој може да генерира дијалог сличен на човекот врз основа на едноставни реплики.

Апликациите за вештачка интелигенција брзо напредуваа, дозволувајќи им на корисниците да анимираат фотографии, да создаваат аватари во филмовите и да пишуваат песни, есеи и статии. Луѓето од многу професии сѐ повеќе се плашат дека вештачката интелигенција може да ги замени нивните работни места.

На пример, Здружението на писатели на Америка (ВГА) и Здружението на актерите (САГ-АФТРА) се борат со употребата на вештачка интелигенција во креативните области на сценаристи и актери. ВГА сака да ја заузда вештачката интелигенција во пишувањето сценарија, додека САГ сака да обезбеди своите членови да можат да ја контролираат употребата на нивните дигитални личности и соодветно да бидат компензирани.

Писателите на ВГА штрајкуваа на почетокот на мај и допрва треба да се договорат со студијата за употребата на вештачка интелигенција, меѓу другите прашања. Актерите исто така би можеле да штрајкуваат доколку САГ-АФТРА не успее да постигне договор за слични прашања.