Градоначалник од Нигер фатен со 200 килограми кокаин

Запленет кокаин кај градоначалник од Нигер/ Фото Youtube Screenshot

Градоначалник од африканската држава Нигер и неговиот возач се уапсени во пустината на северот на земјата со повеќе од 200 килограми кокаин во возилото, соопшти тамошната полиција, пишува Би-Би-Си.

Двајца осомничени, чии имиња не се откриени, наводно транспортирале кокаин во Либија, откако бил прошверцуван во земјата од Мали.

Тамошната агенција за контрола на дрога соопшти дека тоа е најголемата заплена на кокаин во западноафриканската земја.

Шверцот и заплените на дрога стануваат се почести во регионот.

Градоначалникот и неговиот возач беа однесени во главниот град на Нигер, Ниамеј, на сослушување.

Видео на денот