Градинките и основните училишта во Центар, пред Новата година, организираа повеќе добротворни базари, проследени со музика и претстави, на кои граѓаните имаа можност да донираат за лекување на младиот Леонид Индов. Во хуманирантите акции се собрани 901.768 денари кои веќе се уплатени на сметката за лекување на Лео, кој се здоби со тешки повреди на `рбетот во несреќен случај пред неколку месеци.

Хуманоста сите не сплоти. Со помош на нашите млади уметници и настапите на Златните славејчиња, помогнавме Лео да продолжи со лекувањето. Упатувам апел до сите наши сограѓани да се приклучат кон ваквите акции и да помогнат – порачува градоначалникот Горан Герасимовски.

Од Општина Центар им се заблагодарија на сите кои беа дел од оваа голема хуманитарна акција, а пред сѐ на децата, наставниците и родителите кои покажа дека со сплотеност и солидарност во срцата може да се помогне таму каде што е најпотребно.