ГОРАТ ТРЕВА И ШУМИ: Пожар во Карбинци

Гори сува трева, багрем и ниско стеблеста шума во Општина Карбинци. Дванаесет пожарникари со три противпожарни возила, но и со рачни пумпи и лопати од 11 часот го гаснат огнот, којшто зафатил околу десет хекари.

Пожарникарите кои се на терен велат дека успеале огнот да не зафати лозови насади, плантажи со вишни и пчелни семејства. Теренот на одредени делови е непристапен, но нема опасност за загрозување или зафаќање на викендици и куќи.

Според првичните информации, пожарот почнал од стрниште, кое го запалил несовесен земјоделец и го оставил да гори, по што зафатени се сува трева и ниско стеблеста шума. Пожарникарите проценуваат дека пожарот ќе го локализираат за околу еден час.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот