Големата размена меѓу Барса и Интер е подготвена?!
Како што пренесува доверливиот новинар Жерар Ромеро, Барселона и Интер начелно е договорено за размена на Франк Кесие и Мемфис Депај од една страна и Марселo Брозовиќ и Хоакин Кореја од друга страна.
Pреговорите за размена на играчи од средниот ред се започнати, Кесие не ги оправда очекувањата на „Камп Ноу“ и би можел да се врати во Милано и да ги засили редовите на големиот ривал на неговиот поранешен клуб Милан.
Ниту Брозовиќ не би имал ништо против да се пресели во Каталонија. „Неуморниот“ Хрват повеќе не е неприкосновен за тренерот Симоне Инѕаги, мака мачи и со повреди, а заминувањето во Барса би било нов предизвик во кариерата на играчот од средниот ред.
И двајцата напаѓачи не блескаат во своите клубови. Депај дојде во Барса во јули 2021 година, но не блеска на „Камп Ноу“. Холанѓанецот сезонава ги одигра сите осум натпревари за „блауграна“ и постигна четири гола.
Во Интер не блеска ниту Кореја, напротив. Тој е далеку од првиот избор на Инѕаги, искусниот Џеко е „зацементиран“ во нападот. Сезонава одигра 21 натпревар, главно од клупата и постигна само три гола.