Јирген Клоп во пресрет на новиот натпревар од Лигата на шампионите против белгискиот Генк доби прашање од еден новинар, а потоа со одговорот ги насмеа сите.

Секако европскиот шампион на својот „Енфилд“ (вторник, 21.00 часот) ќе биде голем фаворит и со три бода ќе биде уште поблиску до нокаут-фазата.

Новинарот истакна дека Генк е славен клуб чиј дрес го носеле звучни имиња од светска класа како Де Брујн, Кулибали, Ндиди…

А менаџерот Клоп веднаш го прекина со овие зборови:

Journalist: "Genk is a famous club for big players – De Bruyne, Koulibaly, Ndidi…"

Klopp: "Don't forget Divock Origi, Livepool legend!"

??? pic.twitter.com/m4EzPlLaDI

— Football on BT Sport (@btsportfootball) November 4, 2019

– Дивок Ориги, не го заборавајте Ориги, тој е инаку легенда на Ливерпул, поприлично е познат овде – коментираше Клоп.

Секако, сето тоа се одвиваше во една шеговита атмосфера, а коментарот предизвика позитивни реакции.

Ориги во јуниорската кариера играше за Генк. Тој се мачеше воопшто да дојде до минута во дресот на Ливерпул, по што Белгиецот стана една од најдобрите „резерви“ во светот.

Навивачите стекнаа впечаток дека кога и да биде потребно, Ориги од клупата влегува на теренот и ги решава натпреварите, па поради тоа коментарот на Клоп предизвика голема смеа.