Ѓорческа ќе игра за полуфинале на турнирот во Врњачка Бања
Најдобрата македонска тенисерка продолжува со успешните настапи на женскиот ВТА турнир кој што се одржува во Врњачка Бања, Србија.
Лина Ѓорческа денеска во осминафиналето ја совлада натпреварувачката од Јапонија, Фуна Козаки со резултат 2:0 во сетови 7:5 и 6:4.
Претходно во првото коло нашата тенисерка ја совлада Вероника Ерјавец од Словенија со 7:6 (6), 2:6 и 6:4.
Во четвртфиналната битка Македонката ќе игра против Ана Шишкова (Чешка). Шишкова успеа со 7:6 (6) и 6:4 да ја елиминира Пемра Озген од Турција.
Ѓорческа исто така ќе игра во полуфиналето во двојки заедно со Валерија Страхова од Украина.
Во првото коло со 6:2 и 7:5 беа подобри од Нефиса Берберовиќ (БиХ) и Веронија Ерјавец (Словенија), а четвртфиналниот дуел го предадоа Хрватките Тена Лукас и Тара Вурт.