Ѓоковиќ заборави на Надал и Федерер: Медведев моментно е мојот најголем ривал
Првиот тенисер на АТП ранг-листата, Новак Ѓоковиќ успеа да се пласира во финалето на Мастерсот во Париз откако во полуфиналето со пресврт го совлада Хуберт Хуркач од Полска со 3:6,6:0,7:6 што значеше дека годината по седми пат ќе ја заврши како најдобар тенисер на светот.
– Мислам дека во првиот меч го против тој грч, загубив сет против Фучович. Успеав да почувствувам што значи официјален меч по два месеци, колку и да тренирав, поинаку е кога станува збор за официјален меч.
Притисокот и очекувањата секогаш се големи, посебно кога јас играм се очекува победа. На некој начин се навикнав на тоа, искуството кое го имам ми помага да влезам во мечот мирен и подготвен, но од друга страна и јас сум човек и нормално е да ми се случуваат подеми и падови – изјави Ѓоковиќ по победата над Хуркач.
За трофејот во Париз, Ѓоковиќ ќе се бори со вториот тенисер на АТП ранг-листата, Данил Медведев кој беше поуспешен од Александер Зверев во два сета и тоа со 6:2,6:2.
Ова ќе биде трет пат годинава Ѓоковиќ и Медведев да играат во финалето на голем турнир, претходно Србинот славеше во финалето на Австралија Опен, додека рускиот тенисер се реваншира со победата во финалето на УС Опен.
– Видовте како игра Данил, затоа е грен слем шампион. Морам да играм на високо ниво за да освојам трофеј и утре ќе дадам се од себе за да успеам во тоа. Играм против вториот тенисер на светот и моментно мој најголем ривал, Данил Медведев. Сакам да победам и триумфално да ја завршам неделата. Ќе видиме што ќе биде, и пласманот во финалето е голем успех и затоа сум задоволен. Целта е исполнета и се што ќе се случи утре и голем бонус за мене – вели Новак Ѓоковиќ.