Ѓоковиќ: Се извинувам на сите, сакам да играм и во Париз

Новак Ѓоковиќ во март годинава се пресели на Марбеља/Фото: EPA-EFE/RUNGROJ YONGRIT

Новак Ѓоковиќ не успеа да освои медал на Олимписките игри во Токио, првиот тенисер на АТП ранг листата денеска во мечот за бронзениот медал загуби од Пабло Карењо-Буста, по што се откажа од вториот меч за медал, тој во мешани двојки.

По поразот од Карењо-Буста, Ѓоковиќ им се извини на сите кои ги разочара и откри дека играл под лекови и со болки.
– Станува збор за повреда, не една туку неколку. Се надевам дека тоа нема да ме спречи да настапам на УС Опен. Не се каам што дојдов во Токио и што дадов се од себе. Тоа е нормална работа, кога сте на ОИ сакате да освоите медал. За некои мои стандарди и очекувања, ова не е идеален резултат. Се извинувам на сите кои ги разочарав, жалам поради Нина, но телото целосно ми откажа, играв под лекови и со болки – изјави Ѓоковиќ кој најгласи дека постои можност да настапи на наредните Олимписки игри во Париз 2024 година.

– Тоа не е толку далеку, но сепак е донекаде бидејќи немам 25 години. Но, исто така не го гледам крајот на кариера. Олимписки игри, Дејвид Куп, грен слем турнирите, АТП купот – тоа не инспирира да продолжам. Играњето за својата држава претставува чест и привилегија.  Сакам да играм и во Париз и да освојам барем еден медал – додаде Ѓоковиќ.

Видео на денот