Српскиот тенисер Новак Ѓоковиќ денеска ја започна 421 недела на врвот на АТП листата и на тој начин продолжи да го зголемува сопствениот рекорд.

Ѓоковиќ беше поразен во полуфиналето на Мастерсот во Монте Карло, но и покрај тоа ја зголеми предноста пред второпласираниот Италијанец Јаник Синер. Српскиот тенисер сега има 10,035 поени, односно 1,285 повеќе од Синер.

Водечкото дуо го следат Шпанецот Карлос Алкараз, Русинот Данил Медведев и Германецот Александар Зверев, кои ги задржаа истите позиции како на листата минатата недела.

Финалистот во Монте Карло, Норвежанецот Каспер Руд напредуваше за четири позиции и сега е шести, додека шампионот на овој мастерс Гркот Стефанос Циципас се врати во првите 19 и сега е седми, пренесува Бета.

Најдобрата „десетка“ во светот ја комплетираат Русинот Андреј Рубљов, Полјакот Хуберт Хуркач и Бугаринот Григор Димитров.