Најдобриот светски тенисер Јаник Синер и српскиот тенисер Новак Ѓоковиќ ќе го пропуштат мастерсот од серијата 1000 во Торонто, Канада, соопштија организаторите на турнирот.

-Јаник Синер и Новак Ѓоковиќ беа принудени да се повлечат од турнирот во Торонто бидејќи сè уште се опоравуваат од Вимблдон. Џек Дрејпер исто така се повлече поради повреда – се вели во објавата за турнирот на социјалната мрежа „X“.

Ѓоковиќ е четирикратен шампион на Торонто, а последната титула ја освои во 2016 година. Тој не играл на турнирот од 2018 година.

Синер го победи Ѓоковиќ во полуфиналето на Вимблдон пред нешто повеќе од една недела, по што го победи и Карлос Алкараз за да го освои трофејот.