Германската министерка за земјоделство потврди присуство на африканска свинска чума во земјата
Лабораториската анализа на мртва дива свиња што беше пронајдена во провинцијата Бранденбург, потврди дека африканската свинска чума е влезена во Германија, соопшти денеска министерката за земјоделство, Јулија Клекнер.
– Сомнежот е потврден. Го имаме првиот случај на африканска свинска чума во Германија. Болеста не е опасна за луѓето, но е опасна за свињите, објасни таа.
Земјоделците се загрижени за овој случај, бидејќи може да значи прекинување на извозот на свинско месо во земјите што не се членки на Европската Унија (ЕУ) како што се азиските.
На територијата на Бранденбург, патем, има околу 750.000 свињи во околу 170 фарми што првенствено се занимаваат со снабдување на Германија со свинско месо, но и со извоз во земји на ЕУ.
Овие фарми стравуваат дека може да бидат погодени од мерките што ќе се воведат од германските власти за спречување на ширењето на заразата низ целата земја.