„ГАЗЕЊЕ“ ВО КЕЛН: Вардар ита кон титулата…! (ВИДЕО)
Првото водство Вардар го имаше во седмата минута преку Дибиров за 3:2, но веднаш израмни десниот бек на Унгарците, Тонесен.
Во однос на мечот со Барса, пресметката со Веспрем барем во почетните 10 минути донесе многу понеизвесна борба, се играше гол за гол, но почесто водеа „црвено-црните“.
Карачиќ во деветтата минута од бековската позиција се погрижи за 5:4, а по една грешка во нападот на Веспрем од контра казни Дибиров за прв пат плус два на средбата.
The @HCVardar fans are going wild – 21 minutes in and their team hold a 13:9 lead over @mkbveszpremkc #veluxehfcl #ehffinal4 #hellocologne pic.twitter.com/5tMMuqiu4G
— EHF Champions League (@ehfcl) June 2, 2019
При 7:5 хендикеп во редовите на Вардар, Шишкарев незгодно падна, дали стануваше збор за грч или постара повреда, не беше до крај познато. Чупиќ веднаш го замени, а Мораеш во следниот напад на Вардар без проблеми стрелаше за 8:5, а предноста од плус три ја одржуваше брзиот Вардар преку Скубе (9:6) после 15 минути игра на паркетот.
Мораеш на пивотменската линија беше најрасположен, но и Кристопанс започнуваше да праќа „бомби“ кон мрежата на Миклер за 11:7 на семафорот.
Во незгоден момент токму летонскиот „џин“ доби исклучување, но и со играч помалку Вардар погодуваше, овојпат преку Стоилов за 12:9 на нешто помалку од 10 минути до крајот на првото полувреме.
.@HCVardar showing great teamwork, finished off by Timur Dibirov, to take an early advantage. It's a fast, close match.#veluxehfcl #ehffinal4 #hellocologne pic.twitter.com/jEjBPSY9Ik
— EHF Champions League (@ehfcl) June 2, 2019
Ако против каталонците не му одеше најдобро, затоа против Веспрем блескаше Скубе со своите препознатливи соло акции како „нож“ низ противничката одбрана за враќање на плус четири (13:9).
Повторно анемичен Веспрем во нападите, Вардар секоја шанса паметно ја користеше, во 26. минута Дејвис на 15:10 беше принуден да побара тајм аут кој не помогна многу. На паузата се замина со убава предност од 16:11.
.@HCVardar are playing fast, aggressive handball and take a 16:11 lead over @mkbveszpremkc to the dressing room.
Don't miss the rest of the VELUX EHF FINAL4 Final: https://t.co/B7yhGPIr3n#veluxehfcl #ehffinal4 #hellocologne pic.twitter.com/WMDOSOr6CY— EHF Champions League (@ehfcl) June 2, 2019
Лига на шампиони, финале:
Прво полувреме –
Вардар-Веспрем 16:11 (16:11)
Вардар: Милосављев (7 одбрани), Стоилов 2, Кристопанс 2, Мораеш 4, Карачиќ 1, Скубе 3, Чупиќ 1, Дибиров 2, Шишкарев 1.
