Фудбалската легенда Зидан има свој фаворит на „Ролан Гарос“
Зинедин Зидан, легендата на Реал Мадрид и европскиот фудбал, го гледаше финалето во Париз во Лигата на шампионите помеѓу Реал и Ливерпул.
На крајот „кралевите“ триумфираа со 1:0, што секако го израдува и Французинот кој и како играч и како тренер имаше многу успеси со мадридскиот клуб.
Исто така славниот Зизу во францускиот главен град ги следи и настаните на тенискиот грен слем турнир „Ролан Гарос“.
Доби прашање од новинарите за тоа кој е неговиот фаворит на турнирот. Тој смета дека Рафаел Надал ќе ја освои 14 титула во Париз и така се израмни со бројот на титули колку што има Реал Мадрид во фудбалската ЛШ.
– Новата генерација играчи е одлична, но јас сум сепак со постарите. Ќе продолжиме да го поддржуваме Рафаел Надал, тој е фаворит за Отвореното првенство на Франција. Тој и натаму е на турнирот, би било одлично да го освои „Ролан Гарос“. Точно е дека пристигна нова генерација, тука е Карлос Алкараз, кој најверојатно ќе го наследи Надал – рече Зидан.