Францускиот нобеловец Монтање: Коронавирусот е создаден вештачки!
Контроверзниот француски научник, Лук Монтање, кој ја доби Нобеловата награда во 2008 година за истражување за ХИВ вирусот, вели дека е сигурен дека коронавирусот е создаден вештачки.
- Болеста „Ковид-19“ е создадена во лабораторија во Вухан, која се специјализирала за истражување на коронавируси од минатата деценија. Научниците веројатно во него внеле РНА (Рибонуклеинска киселина е полимерна молекула неопходна во разни биолошки улоги при кодирање, декодирање, регулирање и изразување на гените) од ХИВ во потрага по вакцина против овој вирус, па така дошло до манипулација. Незнам како вирусот излегол од лабораторијата, можеби станува збор за некаков волшебник- вели Монтање во гостувањето на CNEWS.
Неговите изјави покренаа многу прашина, но овие трвдења ги демантираа од Институтот „Пастер“ во Париз.
- Нема никаква смисла да се поврзе Ковид-19 со ХИВ. Некои вируси имаат сличен генетски материјал, така што можат да бидат поврзани со други, но во овој случај, тоа нема апсолутно никаква научна основа- рече Етјен Симон-Лориер од Институтот.
Монтање веќе десет години е во судир со научната заедница. Откако ја доби Нобеловата награда, тој во 2009 година рече дека силниот имунитет е доволен за борбата против ХИВ вирусот, што го истражувал во поголемиот дел од својата кариера.
Потоа, Монтање дојде до теоријата, која ја изнесе и во јавноста, дека водата има меморија, а пред три години се спротивстави на вакцинацијата.
ПРОЧИТАЈТЕ: Лабораториска грешка или контроверзна прехрамбена навика? Што се крие зад теоријата на Трамп околу вмешаноста на Кина и коронавирусот? Исповед на докторката од Вухан која го откри коронавирусот: Се започна откако во болницата дојде едно семејство (ВИДЕО) Научници влегоа во трага на коронавирусот: Не потекнува од Вухан, ниту од лабораторијата