Во салата на Музеј на македонската борба во Скопје, на 2 ноември, со почеток во 19.30 часот, ќе се одржи седмиот концерт на фестивалот „Скупи Камерфест“, во организација на здружението „Муза“ – Скопје.

Овој концерт пред јавноста на Скопје го носи француското дуо познато како „Duo Lesage“, со Селин Лесаж на виолина и Ерик Лесаж на пијано. „Дуо Лесаж“ се познати како двајца виртуози на виолина и пијано, кои се партнери и во животот и на сцената од 1998 година.

Тие го формираат едно од најомилените дуа во регионот Окситанија. Нивната личност се огледа и во програмите што ги презентираат – од уметничка до популарна музика, од класична до модерна музика.

На програмата на концертот се дела од творештвото на композиторите Jenö Hubay, Cèsar Franck, Fritz Kreisler и Oreste De Maurizi, известија од Здружението за афирмација на музичката култура „Муза“ – Скопје.