Американската поп-ѕвезда Тејлор Свифт беше апсолутна победничка на годинашните музички награди на „Ај харт рејдио“, освојувајќи дури седум признанија и дополнително зацврстувајќи го статусот како најнаградуван изведувач во историјата на оваа манифестација.

Пејачката, која се појави во придружба на својот вереник Тревис Келси, најпрво ја прими наградата за најдобар поп-албум за „The Life of a Showgirl“.

Во својот говор, таа емотивно му се заблагодари токму нему, истакнувајќи дека албумот е исполнет со радост и слобода благодарение на љубовта што ја чувствува во приватниот живот.

„Овој албум зрачи со среќа и самодоверба затоа што така се чувствувам секој ден и тоа поради мојот свршеник кој е тука вечерва“, рече Свифт.

Вечерта продолжи во знак на нејзината доминација, откако доби уште шест награди, меѓу кои за изведувач на годината, албум на годината и најдобар текст. Со тоа, нејзиниот вкупен број освоени награди на оваа церемонија достигна 41.

Она што особено ги израдува обожавателите на Свифт е фактот дека пејачката и нејзиниот свршеник не ја криеја љубовта и неколку пати разменија нежности во текот на вечерта.

@lifeofashowgirlts12 #NEWS: Taylor Swift kissing Travis Kelce after winning the Pop Album of the Year award! 🥹 #TaylorSwift #TravisKelce #trend #video ♬ original sound – Mastermind ⸆⸉ 🧡

Покрај неа, вечерта ја одбележаа и други музички ѕвезди. Мајли Сајрус ја доби наградата за иноватор, додека Џон Меленкемп беше прогласен за музичка икона. На сцената настапија и Реј, Келани, како и легендарните групи „Ти-ел-си“, „Солт-ен-Пепа“ и „Ен Вог“.

Церемонијата, која ја водеше Лудакрис, понуди богата музичка програма, а Свифт уште еднаш покажа дека нејзината кариера е на врвот, како по бројот на награди, така и по влијанието што го има врз музичката индустрија.

Тејлор Свифт и Тревис Келси наводно планираат екстравагантен меден месец низ целиот свет, од Карибите до Хрватска