Непознат сторител вчеравечер ги дупнал гумите на шест непрописно паркирани автомобили во населбата Александрија во општина Ѓорче Петров.

Жител на новата населба Александрија во Влае утрово објави видео на кое може да се забележат шест непрописно паркирани возила среде улица, сите со дупнати гуми. На видеото се гледа дека веќе на улицата има поставено метални и гумени столпчиња за да се спречи „дивото“ паркирање, но дел од жителите успеале да ги избегнат и да го паркираат својот автомобил.

-Утрово го шетам кучето и што да видам, некој нервозен комшија вчеравечер „завршил работа“, ќе има кавги – напиша човекот кој го објави видеото на социјалните мрежи.

Сопствениците на шесте возила веројатно ќе бидат изненадени кога ќе ги видат своите возила оставени „на бандаж“. бидејќи засега непознат сторител ги дупнал гумите на сите автомобили.

naselba aleksandrija
byu/Fun-Quail-7959 inmkd