ФОТО+ВИДЕО | Медениот месец го замениле со пушки: Украински младенци тргнаа во борба за одбрана на татковината
Само неколку часа по нивната венчавка на првиот ден од руската инвазија, Украинците Јарина Ариева и Свјатослав Фурсин се приклучиле во борбата за одбрана на својата земја.
Двојката требало да се венча во мај, но побрзала да ја одржи церемонија во Киев минатата недела кога Русија ја започна инвазијата, за сега да се приклучат на украинскиот отпор.
Јарина и Свјатослав во камуфлажни јакни со пушки, раскажале за Си-ен-ен“ како го поминале медениот месец во градот под опсада и го зеле оружјето за да се борат против руските трупи.
– Тешко е тоа да се разбере, оваа нова реалност која ја имаме – рекла вели Јарина, која е од Киев.
Таа истакнала дека во првите денови од пролетта луѓето обично сеат сончоглед, украинскиот национален цвет, но наместо тоа се спротивставуваат на рускиот напад.
„Никој овде не вели дека ќе изгубиме, ниту плаче. Сите веруваат дека ќе победиме. Тоа е само прашање на време. Затоа сум многу среќна што гледам толку многу луѓе кои се навистина подготвени да се борат. Подготвени да убијат за својата земја. Не се сомневам во нашата победа во оваа војна“, рекла Јарина.
#International | Yaryna Arieva and Sviatoslav Fursin got married on the 1st day of war amid air raid sirens in Kyiv. After their wedding, they both joined the local Territorial Defence Centre to help efforts to defend the country.#Ukrain #Kyiv #UkraineRussia #UkraineRussiaWar pic.twitter.com/QWdOsDdhpl
— EastMojo (@EastMojo) February 26, 2022
Нејзиниот сопруг, кој е роден во Лавов, истакнал дека „луѓето секогаш сакаат да бидат слободни“.
– Овие луѓе се подготвени да се борат за својата слобода – додал Свјатослав, кој е загрижен за безбедноста на сопругата, родителите и сестрата, но укажува дека „ќе направи сè за да ги заштити“.
Јарина рекла дека работи секој ден и дека е тешко да го „чека сопругот да се врати од борбените мисии“.
„Животот овде е поинаков, но е живот. Луѓето се смеат и се шегуваат. Тоа е интересно да се види. Тоа е друг вид на живот кој се промени со почетокот на војната“, истакна таа.
Јарина и Свјатослав ја повикаа меѓународната заедница да ѝ помогне на Украина со пари, храна, оружје и лекови и да ѝ наметне дополнителни санкции на Русија.
Свјатослав се надева на денот кога ќе можат да кажат дека војната е завршена и дека победиле.
„Пред тоа, сакам сите во светот, вклучувајќи ја и Русија, да запомнат дека се борат за слободата во светот“, заклучил тој.