Легендарната рок-група „Ју ту“ во петокот одржа двочасовен концерт во Лас Вегас, САД, во најсовремената сферична сала со кристално чист звук – „Сфера“, пренесе „Асошиејтед прес“.

Имено, овој концерт е прв од серијата концерти, кои групата ќе ги одржи на истото место, а последниот ќе се одржи на 16 декември годинава.

За време на концертот, посетителите имале можност да видат повеќе привлечни визуелни содржини – слики од калеидоскоп, запалено знаме и хоризонтот на Лас Вегас. Сѐ ова ги однело присутните, кои биле околу 18 илјади, на едно епско музичко патување.

Инаку салата „Сфера“, која е вредна 2,3 милијарди долари, е масивна – таа е висока 111 метри, а широка 157 метри.

„Каков елегантен екран“, рекол пејачот на групата – Боно, кому на сцената му се придружиле гитаристот Еџ, басистот Адам Клејтон и тапанарот Брам ван ден Берг.

Потоа Боно му оддал почит на покојниот Елвис Присли, кој своевремено беше најголемата ѕвезда во Лас Вегас.

„Погледнете ги сите овие работи… Елвис дефинитивно не ја напушти оваа зграда. Тоа е капелата на Елвис. Тоа е катедралата на Елвис. Вечерва лозинката за влез во оваа катедрала е: флерт“, изјавил Боно.

Со извонредни визуелни ефекти, шоуто било отворено со громогласен аплауз, по што следела изведбата на нивните хитови „Mysterious Ways“, „Zoo Station“, „All I Want is You“, „Desire“ итн, како и новиот сингл „Atomic City“ .

Во многу наврати, членовите на групата биле толку големи на екранот што изгледало како Боно интимно да ѝ пее на публиката од едната страна, додека Еџ ѝ свири на публиката од другата страна.

Во публиката биле бројни познати личности од светот на забавата и спортот: Опра, Леброн Џејмс, Мет Дејмон, Андре Агаси итн.

A further look inside the immersive MSG Sphere arena in Las Vegas, which opened with a U2 concert

The 18K resolution wraparound LED screen measuring 160,000 sq ft (15,000 m²) with 166,000 speakers. The largest & highest-resolution LED screen in the worldpic.twitter.com/svyqtz10Md

— Massimo (@Rainmaker1973) September 30, 2023