Екипата на Баерн Минхен изминатиот викенд речиси 80. минути играше со играч помалку против Штутгарт но и тоа не го попречи Роберт Левандовски да ја продолжи неверојатна голгетерска серија. Баерн славеше со 4:0, а Левандовски постигна три гола и на последните 16 атпревари, на 15 постигнува најмалку по еден гол. Вкупно, Левандовски сезонава досега има постигнато 42 гола во сите конкуренции. Во Бундеслигата, неверојатниот Полјак засега е прв стрелец со 35 гола и речиси никој не се сомнева дека ќе го собори рекордот на Герд Милер од 1971/72 од 40. постигнати голови бидејќи до крајот на сезоната има уште седум кола.
Исто така речиси и никој не се сомнева дека Левандовски на крајот ќе ја освои златната топка за најдобар стрелец во Европа.
Но, за тоа каква гол машина и Левандовски оваа сезона најдобро покажува податокот дека со своите 35 гола во Бундеслигата, тој е поефикасен од сите најдобри тандеми оваа сезона.

Моментно најблиску до Полјакот е тандемот на Интер, Ромелу Лукаку и Лаутаро Мартинез кои заедно имаат даде 33 гола. Зад Левандовски е и тандемот на Барселона, Лионел Меси и Антоан Гризман како и Килијан Мбапе и Моисе Кин од ПСЖ кои имаат даде по 31 гол во своите шампионати.