ФОТО | Има златно крзно, нема очи, а „плива“ низ песокот: Фотографирано ретко животинче од пустината во Австралија
Исклучително редок вид на крт (Notoryctes caurinus), кој се гледа неколку пати во една деценија, е фотографиран во Австралија. Овие животничиња со големина на човечка дланка, без очи и со крзно со златна боја, се толку ретки што нема точни податоци колку ги има, пишува Би-би-си.
Кртот бил забележан во Големата песочна пустина во северозападна Австралија од чувари од абориџинско потекло кои работат на зачувување на природата користејќи ја нивната култура и традиционалното знаење за животната средина.
Овие животинчиња се толку невообичаени што нивното постоење останува мистерија за повеќето луѓе. Ретко се гледаат во дивината, бидејќи тие претежно живеат во нивните песочни тунели, а експертот за диви животни Герет Кет вели дека „пливаат низ песокот “, па главната техника за нив е да копаат ровови и канали за да дојдат со нивните дупки.
„Луѓето често мислат дека во пустината нема многу диви животни, но таа е полна со уникатни животни“, изјавил Кет.
Тој посочи дека е неопходно да се направат повеќе истражувања за ретките видови како овој редок вид на крт за да се обезбеди нивно зачувување во услови на климатски промени кои најмногу се чувствуваат на места каде временските услови се екстремни, како што се пустините.