Македонскиот фудбалски шампион Вардар моментно е на подготовки во Норчија, Италија, пред стартот на новата натпреварувачка сезона и предизвиците што ги очекува на домашната и меѓународната сцена.

Во Норчија, покрај редовните тренинзи, скопските „црвено-црни“ ја темпираат формата и со одигрување на пријателски натпревари.

Во четвртокот, играчите предводени од новиот тренер Кристијан Фабијани славеа со 4:1 против Валнерина.

Денеска фудбалерите на Вардар беа на прием кај градоначалникот на Норчија, Антонио Дука, кој му посака на клубот да се пласира во Лигата на шампионите.

Потсетување, Вардар летово го очекува настап во првото квалификациско коло во ЛШ, на 7 јули ќе го игра првиот натпревар дома против финскиот првак КуПС.