На официјалните профили на принцот и принцезата од Велс, денеска беше објавена фотографија од детските денови на Кетрин Мидлтон.

На фотографијата, која датира од декември 1983 година, принцезата има неполни две години, а обожавателите на кралското семејство се воодушевени од тоа што принцот Луис многу потсетува на мајка си, кога таа била мала.

Принцезата Кетрин ја објави оваа фотографија во рамки на кампањата „Обликувајќи нè“ („Shaping Us“), која е под водство на принцезата и се фокусира на нејзината мисија да ги поддржува децата во првите години од нивниот живот.

„Споделуваме празнични спомени овој Божиќ, бидејќи #ОбликувајќиНè е за виталното значење на нашите рани години и улогата што ја играат оние околу нас во обликувањето на остатокот од нашите животи“, стои во описот.

Sharing some festive memories this Christmas because #ShapingUs is all about the vital importance of our early years and the role played by those around us in shaping the rest of our lives.

📸 of The Princess, Christmas 1983

Don’t miss the Together at Christmas Carol Service… pic.twitter.com/YbtYrZIbmt

— The Prince and Princess of Wales (@KensingtonRoyal) December 18, 2023

Да потсетиме, Кетрин Мидлтон е родена во јануари 1982 година, во богато буржоаско семејство. Таа го запозна принцот Вилијам за време на студирањето. Парот стапи во брак во 2011 година, по десетгодишна врска.