Почна вонредниот конгрес на Алијанса за Албанците на подржувачите на експретседателот Зијадин Села.

Конгресот се одржува во Националната опера и балет и е само два дена откако вонреден конгрењс одржаа подржувачите на претседателот на Алијанса за Албанците Арбен Таравари.

И двете крила на Алијанас тврдат дека го имаат легитимитетот да ја предводат партијата.

Впечатливо е дека столчето до Села е празно и на него е испишано името на Таравари, кој не присуствува на конгрсот закажан од Села.

На конгресот организиран од Таравари, Села беше разрешен од функцијата претседател на Централното собрание, односно беше укинато тоа партиско тело.

На конгресот закажан од Села се очекува Таравари да биде разрешен од претседател на Алијанса за Албанците.

Како што веќе објави „Слободен печат“, според информациите, за нов претседател на Алијанса во трка се две дами, пратеничката и потпретседателка на АА, Илире Даути, и претседателката на Форумот на жените Вјолца Бериша. Дали првпат на лидерската функција на Алијанса ќе застане дама ќе зависи од членовите на Конгресот, бидејќи, како што брифираат, голем притисок се прави Села да се врати на претседателската функција во партијата што тој ја основаше. Неодамна, прашан дали тој ќе ја преземе партијата, Села одговори: „Не се повлеков за да се вратам“, односно дека кога се повлече од лидерската функција на Алијанса, сакал да биде пример дека во партијата не треба да има вечни лидери.

На конгресот пак, кој што го одржа Таравари во Александар Палас беше потврдена кандидатурата на Таравари за претседателски кандидат на Европскиот сојуз за промени, како и коалицијата на Алијанса за Албанците со Демократско движење на Изет Меџити, Беса на Билал Касами и Алтернатива на Африм Гаши. Поддршка на албанската опозиција има и од Самоопределување на косовскиот премиер Албин Курти преку советникот Беким Ќоку.