Филипче: Секаде во светот бројот на новозаразни и хоспитализирани се зголемува

Министерот за здравство на Република Северна Македонија доц. д-р Венко Филипче и министерот за здравство на Република Бугарија д-р Костадин Ангелов, денеска копретседаваа со Состанокот на министрите за здравство во рамки на Берлинскиот процес, преку видеоконференциска врска, кој за првпат оваа година на агендата го вклучува и секторот здравство.

На министерскиот состанок, кој се одржа во Владата преку видеоконференциска врска, покрај министерот Филипче, присутни беа и амбасадорката на Сојузна Република Германија Анке Холштајн, претседателот на Комисијата за заразни болести д-р Жарко Караџовски, како и членот на Комисијата д-р Сузана Маневска.

Тема на дискусија на министерскиот состанок беше здравствениот одговор во услови на ковид-19 во регионот и пошироко, како и координиран пристап за слободно движење на луѓе, стоки и услуги, притоа држејќи ја епидемиската состојба под контрола.

Прочитајте и...  Снегот може да падне, Градот и општините тврдат дека се подготвени

Учество во дискусијата земаа претставници од Албанија, Косово, Црна Гора, Босна и Херцеговина, Бугарија, Хрватска, Италија и Полска. Исто така, свои вклучувања имаа и претставникот на ЕУ – советник за здравство и управување со кризи Изабел Де ла Мата, регионалниот директор на Светската организација на Европа д-р Ханс Клуге, проф. д-р Јоана Ханефелд од Центарот за меѓународна здравствена заштита, Robert Koch Институт, д-р Андреа Аман директор на Европски центар за превенција и контрола на болести и д-р Мира Јовановски Дашиќ од Здравствената мрежа на Југоисточна Европа (SEEHN).

Министерот Филипче се заблагодари за поддршката од сите компании, амбасади, земјите од Европската Унија кои дадоа значителна помош во заштитна медицинска заштита, но и средства за зајакнување на здравствениот систем во услови на ковид. Тој ги информираше учесниците за поддршката и четирите пакет мерки од Владата за помош на граѓаните и компаниите и објасни како функционира здравствениот систем во услови на ковид.

Прочитајте и...  Собранието ќе ја започне 22. пленарна седница

-Здравствениот систем од почетокот на кризата е целосно реорганизиран. Во инфективните одделенија кадешто се третираат пациенти со ковид-19 работат доктори и медицински сестри по систем на ротација. Секаде во регионот, Европа и светот бројот на новозаразни и хоспитализирани се зголемува. Се надевам дека резултатот од овој состанок ќе биде воспоставување на систем на подобра размена на искуствата во однос на пандемијата предизвикана од коронавирусот заедно со земјите во регионот. Исклучително е важно со земјите од Западен Балкан да воспоставиме подобра координација со цел поуспешно справување со ковид кризата- потенцираше Филипче.

Поврзани вести

Трамп: Испораката на вакцините против коронавирусот почнува следната недела

Слободен печат

Мицкоски најави: ВМРО-ДПМНЕ ќе достави предлог за доверба на Владата во Собранието

Слободен печат

Меркел: Граѓаните да бидат трпеливи, се гледа светлината на крајот на тунелот

Слободен печат

Експерт на СЗО: Животот на кој што бевме навикнати пред пандемијата е реален повторно

Слободен печат

ВИДЕО | Путин: Избегната е еколошка катастрофа, но се уште е рано за опуштање

Слободен печат

Племињата креваат глас: Вратете ни ја земјата!

Остави Коментар

MacedonianAlbanianBulgarian