Светската куќа на фудбалот (ФИФА) ја потврди употребата на полуавтоматизирана офсајд технологија на претстојното Светско првенство во Катар.

Постапката за користење на новиот систем е претставена во четири чекори.

Натпреварите на Мундијалот ќе ги снимаат 12 специјализирани камери, подготвени да лоцираат 29 точки од секој фудбалер на теренот и тоа по 50 пати во секунда.

Сензорите, сместени во центарот на топката, со фреквенција од 500 Херци, ќе пренесуваат податоци 500 пати во секунда.

Технологијата ќе им сигнализира потенцијален офсајд на судиите во ВАР просторијата во секое време. Надлежните потоа ќе ја проверат конкретната ситуација на терен и евентуално ќе реагираат.

Ситуацијата, потврдена како офсајд од судиите на теренот и во ВАР собата, ќе се емитува во 3Д анимација на екраните на стадионите и во директни телевизиски преноси.