Бордот на ФИБА Европа одлучи, ноемврискиот „прозорец“ од квалификациите за пласман на ЕП 2021 година да се игра според претходно утврдениот календар за натпреварување. Без или со лимитиран број на гледачи, секогаш во согласност со локалните законски регулативи.

Најдобрата македонска репрезентација следните два натпревари во квалификациите за пласман на следното Европско првенство ќе ги игра на гости како што е и веќе познато, кај Италија на 27 ноември три дена подоцна кај Естонија.

Мечевите во квалификациската група „Б“ играчите на селекторот Александар Тодоров не ги започнаа најдобро, со домашен пораз од Естонија (72:81) и пораз на гости од Русија (77:67).

Во случај, доколку не може да се игра во текот на ноември, тогаш дуелите од тој „прозорец“ ќе бидат одложени, односно преместени за февруарските термини.

Оние мечеви кои на програмата беа во февруари ќе бидат презакажани за јули, 2021 година. Притоа водејќи сметка да бидат реализирани помеѓу крајот на Олимписките квалификациски турнири и почетокот на Олимписките Игри во Токио.

Истите одлуки се однесуваат и за оној женски сегмент во квалификациите за Евробаскетот.