Федерер одлучи: Ќе играм на Вимблдон, а потоа… – Слободен печат
ОстанатoСпорт

Федерер одлучи: Ќе играм на Вимблдон, а потоа…

Швајцарецот најави дека идната година ќе настапи на најпрестижниот тениски турнир, но не е сигурен дали ќе продолжи да игра и понатаму.

Рожер Федерер конечно откри кога планира да замине во пензија. Швајцарецот засега потврди дека ќе настапи на неговиот омилен грен слем турнир, Вимблдон, идната година. Федерер досега осум пати триумфирал на најпрестижниот тениски турнир, а летово во финалето пропушти две меч топки и на крајот загуби од Новак Ѓоковиќ.

– Одлучив дека сакам да играм до Вимблдон. Сега треба да одлучам дали ќе учествувам на Олимписките игри во Токио. Зборував со својот тим, со сопругата Мирка и одлуката ќе ја донесам во наредните недели – изјави Федерер.

Следната тениска акција за Швајцарецот ќе биде настапот на Лејвер Купот, а по завршувањето на тениската сезона, ќе одигра неколку егзибициски натпревари.

– Тоа е одлука која ја донесов со мојот фитнес тренер. Вообичаено подготовките за новата сезона ги започнувам на 4. декември, но сега ќе стартуваме нешто подоцна. Воопшто не ми е важно дали ќе бидам подготвен за првите турнири во новата сезона. Мојата цел е Австралија Опен – вели Федерер.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close