Евролига: Барселона во продолжението подобра од Панатинаикос
Шпанскиот тим во четвртото коло од Евролигата го совлада Панатинаикос со 97:89 по продолжението од пет минути.
Ова беше трета победа за Барселона сезонава и до неа дојде по продолжението од пет минути, додека грчкиот тим го забележа вториот пораз во три натпревари.
Натпреварот во регуларниот дел заврши 75:75 и тоа откако на седум секунди до крајот Леонидас Каселакис ги реализира трите слободни фрлања.
Во продолжението од пет минути, одговорноста ја презедоа Калатес, Ханга и Дејвис и го однесоа својот тим до победата.
Најдобар во победничкиот тим беше Кори Хигинс со 24 поени и седум скокови, а 20 поени постигна Брендон Дејвис.
Литванскиот Жалгирис по четвртото коло остана единствен тим со максимален скор откако со 89:73 го победи Анадолу Ефес.
Хејс со 17 поени беше најпрецизен во победничкиот тим, додека Данстон кај Анадолу Ефес даде 20 поени.