Еве како изгледа Скопје, откако Комунална хигиена викендов одмараше
Нема да умреме од корона, туку од нехигиена, беше една од пораките што стигна во нашата редакција, заедно со фотографии од полни контејнери.
Комунална хигиена, уште пред неколку дена објави дека поради полицискиот час за време на викендов, работниците нема да излезат по улиците и да собираат ѓубре. Ние повторно стапивме во контакт со одговорните во претпријатието од каде што информираат дека динамиката на работа ќе се промени.
– Од денес, променета е динамикита на работа, контејнерите ќе се празнат до 21 часот. Уште од 7 часот утринава екипите се на терен, и се работи на празнење на контејнерите. Додека се уште немаме информација дали ќе биде променета динамиката за работа за време на претстојниот викенд, велат од претпријатието.